ఏమో పెద్దోళ్ళు చెప్పారు
**********************
అమ్మా ఎందుకేడుస్తున్నావే
ఆడపిల్ల తో కష్టాలు ఉంటాయటా
ఎవరు చెప్పారే
ఏమో పెద్దోళ్ళు చెప్పారు
అమ్మా నాకు వేరే గౌను కావాలే
ఆడపిల్ల అట్లాంటి బట్టలేసుకోవద్దంటా
ఎవరు చెప్పారే
ఏమో పెద్దోళ్ళు చెప్పారు
అమ్మా బడికెల్తానే
ఆడపిల్ల కు చదువు అవసరం లేదటా
ఎవరు చెప్పారే
ఏమో పెద్దోళ్ళు చెప్పారు
అమ్మా నన్న పాడు చేసారే
ఆ సంగతి ఎవరికీ చెప్పకుడదటా
ఎవరు చెప్పారే
ఏమో పెద్దోళ్ళు చెప్పారు
అమ్మా పెళ్లొద్దు ఆడుకొంటానే
ఆడపిల్ల కు ఇప్పుడే పెళ్లి చేయాలటా
ఎవరు చెప్పారే
ఏమో పెద్దోళ్ళు చెప్పారు
అమ్మా నా మొగుడు నన్ను కాల్చేసాడే
ఆ మాట పోలీసుల తో చెప్పకూడదటా
ఎవరు చెప్పారే
ఏమో పెద్దోళ్ళు చెప్పారు

ప్రతి రోజు కి పగలు రాత్రి ఉంటుంది
ప్రతి మనిషి లో మంచి చెడు ఉంటుంది
ప్రతి చర్య కు గెలుపు ఓటమి ఉంటుంది
ప్రతి కన్నీరు కి సంతోషం దుఃఖం ఉంటుంది
వెలుతురు ని ఆస్వాదించండం అలవాటు చేసుకుంటే
చీకటిలో కూడా వెలుగు కనిపిస్తుంది
మనిషి లోని మంచి ని తెలుసుకోగలగితే
చెడు లో ఉండే మంచి తెలుస్తుంది
గెలుపు ని అర్థం చేసుకోగలిగితే
ఓటమి నుంచి గెలుపు కి దారి దొరుకుతుంది
ఆలోచన మార్చుకొంటే తలరాత మారుతుంది

మనిషి కి మూలం ఏది
కులానికి నిర్వచనం ఏంటి
మతానికి ప్రామాణికం ఏదీ
అసలు వాటి మధ్య తేడా ఏంటి
మనిషి మనుగడ నిర్దేశించేది ఏది
తరాల నుంచి వేధిస్తున్న ప్రశ్నలు
తర్కించినా జవాబు దొరకని సమస్యలు

వికాసం అంటే

వివేకం మర్చిపోవడం కాదు

విజ్ఞత పెంచుకోవడం

నిన్న భర్త బాధించాడు

ఈ రోజు భార్య సాధిస్తుంది

దశకం మారింది

దృశ్యం మారింది

బాధ నివృత్తి కాకుండానే

భావం ఆవృతం అయింది

నా చిన్నపుడు అమ్మ గురించి ఒక కథ విన్నా.... ప్రియురాలి కోసం అమ్మ గుండె తీసుకుని వెళ్తున్న కొడుకు పడిపోతే..ఆ తల్లి గుండె "జాగ్రత్త బాబు మెల్లగా వెళ్లు" అంటుంది.ఈ కథ విన్నప్పుడు అమ్మ అంటే అధ్బుతం అనిపించింది.. అంతకన్నా ఆలోచన రాలేదు....
కాని పెద్దయ్యీ ఆలోచన పెరిగి అనిపించింది... అమ్మ గుండె కొడుకుల కోసమే కొట్టుకుంటుందా.... కూతురి కోసం కూడా అంతే తపిస్తుందా.... కూతురి కోసం కూడా అని ఇప్పటి వరకు ఎవరూ చెప్పలేదు
చెప్పేవాళ్ళంతా.."పుత్తడిబొమ్మ పూర్ణమ్మ.. కన్యాశుల్కం.. సతీసహగమనం....బాల్య వివాహాలు.. వరకట్నం.... అత్తారింటిలో కాలిపోయన కోడలు... నమ్మిన వాడి చేతిలో మోసపోయి ఉరేసుకున్న కూతురు"..... ఇక్కడ ఎక్కడా కూతురి కోసం అమ్మ లేదు.....
పూర్ణమ్మ లాంటి కూతురి గుండె అడుగుతుంది.....
"**అమ్మ నా కోసం కూడా తపించవా.. .... కష్టాల కడలిని కళ్ళు మూసుకుని ఈదేస్తూ ప్రపంచాన్ని జయిస్తాను"....
అమ్మ నా మాట వింటున్నావా?.............

సృష్టి  లో స్త్రీ​ పురుషులు ‌‌‌‌‌‌‌సమానం
 ‌‌‌‌‌‌‌‌‌‌గర్భం ప్రకృతి ధర్మం...
వివాహం సమాజ ధర్మం
ధర్మ విరుధ్ధంగా ప్రవర్తిస్తే మానవ ప్రగతి శూన్యం
పుట్టే ప్రతి బిడ్డకీ తండ్రెవరో నిరూపీంచే దౌర్భాగ్యం నుండి
రక్షించిన ధర్మాన్ని మనం రక్షిస్తే ఆ ధర్మం మనల్ని రక్షిస్తుంది
సమానత్వం ఒకరిస్తేనో మనం లాక్కుంటేనో వచ్చేది కాదు
అది మన వ్యక్తిత్వం సంసారంలో మనకిచ్చే బహుమతి...
స్త్రీ ఔన్నత్యం అద్దం లో కనిపించే కొండలాంంటిది..
దాని విలువ ఎప్పుడూ ఒకలాగే వుంటుంది...
అర్థం చేసుకోవడంలోనే విలువ మారుతుంది.....

    నన్ను శాసించే వాళ్ళు లేరు
నన్ను ఆశించే వాళ్ళు లేరు
        నన్ను కోరే వాళ్ళు లేరు​
నన్ను కోప్పడే వాళ్ళు లేరు
.      నన్ను అడిగే వారు లేరు
నా గురించి ఆలోచించేవారు లేరు
        నన్ను శూన్యంగా వదిలేసి
అంతా నన్ను ప్రేమిస్తున్నాం అంటున్నారు
              ఇదే ప్రేమయితే నేను శూన్యం అవుతాను.....

నా ఉపిరిలో నా ఉనికిలో నువ్వుంటావు

నా ఆలోచనలో ఆవేశంలో నువ్వే వుంటావు

నీతో మొదలయ్యి నీతో అంతమయ్యే రోజులో

నీలో నేనుంటాను

నువ్వు నేను ఇవి ఉట్టి స్వరాలే

నాలో నువ్వు నీలో నేను ఇవి నా సర్వస్వాలు

Nammakam

gnaapakaalu

Adapilla

madhuram